Latest NewsGulf

പ്രതിരോധ രംഗം കൂടുതല്‍ ശക്തമാക്കാനൊരുങ്ങി സൗദി

 

റിയാദ് : രാജ്യത്തെ പ്രതിരോധ രംഗം ശക്തമാക്കുമെന്ന് സൌദി കിരീടാവകാശിയും പ്രതിരോധ മന്ത്രിയുമായ മുഹമ്മദ് ബിന്‍ സല്‍മാന്‍. റിയാദില്‍ നടന്ന ആദ്യ പ്രതിരോധ കൌണ്‍സില്‍ യോഗത്തില്‍ സംസാരിക്കുകയായിരുന്നു അദ്ദേഹം. പ്രതിരോധ സംവിധാനങ്ങളും പദ്ധതികളും കാര്യക്ഷമമാക്കാനുള്ള വിവിധ സംരംഭങ്ങള്‍ക്കും തുടക്കമായി.

രാജ്യത്ത് രൂപീകരിച്ച പ്രതിരോധ കൌണ്‍സില്‍ യോഗത്തില്‍ സംസാരിക്കുകയാരുന്നു കിരീടാവകാശി. കൌണ്‍സിലിന്റെ ചുമതലകളും പദ്ധതികളും അദ്ദേഹം വിശദീകരിച്ചു. രാജ്യത്തെ പ്രതിരോധ സംവിധാന രംഗത്തുള്ളവര്‍ക്ക് മാര്‍ഗ നിര്‍ദേശം നല്‍കുക ഈ കൌണ്‍സിലാണ്. കൌണ്‍സിലിന് കീഴിലാണ് പ്രതിരോധ മേഖലയിലെ നിക്ഷേപത്തിനും സേവനത്തിനുമുള്ള പദ്ധതികള്‍ രൂപീകരിക്കുക. സംയുക്ത സൈനിക കൌണ്‍സിലിലേക്കുള്ള ബോര്‍ഡ് അംഗങ്ങളെയും കൌണ്‍സില്‍ തിരഞ്ഞെടുക്കും. രാജ്യത്തെ പ്രതിരോധ മന്ത്രാലയത്തിന് തീരുമാനങ്ങളെടുക്കാനുള്ള സംവിധാനം കൌണ്‍സില്‍ വഴി മെച്ചപ്പെടും. വിവിധ സൈനിക സ്ഥാപനങ്ങള്‍, പ്രതിരോധ ചെലവുകള്‍, സൈനികരുടെ കാര്യക്ഷമത എന്നിവയും കൌണ്‍സില്‍ പരിശോധിക്കും. ഒപ്പം പ്രതിരോധ രംഗത്ത സൈനിക സംവിധാനങ്ങളുടെ കാലാനുസൃത മാറ്റങ്ങള്‍ വരുത്തലും പുതിയ കൌണ്‍സിലിന് കീഴിലാണ്.

shortlink

Related Articles

Post Your Comments


Back to top button