തിരുവനന്തപുരം: മണ്ണിടിച്ചിലിനെ തുടർന്ന് പാലക്കാട് ഡിവിഷനില്‍ തിങ്കളാഴ്ച നാലു ട്രെയിനുകള്‍ റദ്ദാക്കിയതായി റെയില്‍വേ അറിയിച്ചു. കൊച്ചുവേളി-ലോകമാന്യ തിലക് സൂപ്പര്‍ഫാസ്റ്റ്, കൊച്ചുവേളി-ചണ്ഡീഗഡ്, തിരുനെല്‍വേലി-ജാംനഗര്‍, എറണാകുളം-മഡ്ഗാവ് എക്സ്പ്രസ് ട്രെയിനുകളാണ് റദ്ദാക്കിയത്.
അതേസമയം മണ്ണിടിച്ചിലിനെ തുടര്‍ന്ന് കൊങ്കണ്‍ പാതയിലെ ഗതാഗത നിയന്ത്രണത്തില്‍ യാത്രക്കാര്‍ക്കുണ്ടായ ബുദ്ധിമുട്ട് പരിഹരിക്കാൻ തിങ്കളാഴ്ച ഈ പാതയില്‍ പോര്‍ബന്ദറിലേക്കും അജ്മീറിലേക്കും പ്രത്യേക ട്രെയിന്‍ സര്‍വീസ് നടത്തും. കൊച്ചുവേളി-പോര്‍ബന്ദര്‍ പാസഞ്ചര്‍ സ്പെഷല്‍ രാവിലെ 11-ന് കൊച്ചുവേളിയില്‍നിന്നു സര്‍വീസ് ആരംഭിക്കും. കൊല്ലം, കായംകുളം, ആലപ്പുഴ, എറണാകുളം ജംഗ്ഷന്‍, തൃശൂര്‍, ഷൊര്‍ണൂര്‍, തിരൂര്‍, കോഴിക്കോട്, കണ്ണൂര്‍, കാസര്‍ഗോഡ് എന്നീ സ്റ്റേഷനുകളാണ് കേരളത്തിലെ സ്റ്റോപ്പുകള്‍.
Also read : ദക്ഷിണ റെയില്‍വേയില്‍ തൊഴിലവസരം : അപേക്ഷ ക്ഷണിച്ചു
എറണാകുളം-അജമീര്‍ സ്പെഷല്‍ പാസഞ്ചര്‍ (02977) രാത്രി 8.25-ന് എറണാകുളം ജംഗ്ഷനില്‍നിന്നു യാത്ര ആരംഭിക്കും. ആലുവ, തൃശൂര്‍, ഷൊര്‍ണൂര്‍, തിരൂര്‍, കോഴിക്കോട്, കണ്ണൂര്‍, കാസര്‍ഗോഡ് എന്നിവിടങ്ങളില്‍ കേരളത്തിൽ സ്റ്റോപ്പുണ്ടാകും. ഇരു ട്രെയിനുകളും ബുധനാഴ്ച നിശ്ചിത സ്ഥലങ്ങളിലെത്തും.
തിങ്കളാഴ്ച സര്‍വീസ് നടത്തേനേണ്ടിയിരുന്ന മഡ്ഗാവ്-എറണാകുളം വീക്ക്ലി എക്സ്പ്രസ് (10215), തിരുനെല്‍വേലി-ജാംനഗര്‍ ബൈവീക്ക്ലി എക്സ്പ്രസ് (19577), കൊച്ചുവേളി-ലോക്മാന്യതിലക് ബൈവീക്ക്ലി എക്സ്പ്രസ് (22114), കൊച്ചുവേളി-ചണ്ഡിഗഢ് സന്പര്‍ക്ക് ക്രാന്തി എക്സ്പ്രസ് (12217), എറണാകുളം-മഡ്ഗാവ് വീക്ക്ലി സൂപ്പര്‍ ഫാസ്റ്റ് എക്സ്പ്രസ് (10216) എന്നീ ട്രെയിൻ സർവീസുകൾ പൂര്‍ണമായും റദ്ദാക്കിയതായി റെയില്‍വേ അറിയിച്ചു.
Post Your Comments