ടോ​ക്കി​യോ ഒ​ളി​മ്പി​ക്സ് മാ​റ്റി​വ​യ്ക്കു​മെ​ന്നു സൂ​ച​ന

ടോക്കിയോ : കൊവിഡ് 19 വൈറസ് ബാധയെ തുടർന്ന് ജപ്പാനിൽ നടക്കാനിരിക്കുന്ന 2020 ടോ​ക്കി​യോ ഒ​ളി​മ്പി​ക്സ് മാ​റ്റി​വ​യ്ക്കു​മെ​ന്നു സൂ​ച​ന .നാല് ആഴ്ചക്കുളളിൽ അ​ന്താ​രാ​ഷ്‌​ട്ര ഒ​ളി​മ്പി​ക് ക​മ്മ​റ്റി (ഐ​ഒ​സി) ഇ​തു​സം​ബ​ന്ധി​ച്ച് ഔ​ദ്യോ​ഗി​ക തീ​രു​മാ​ന​മെ​ടു​ക്കു​മെന്നാണ് സൂചന. . ഒ​രു വ​ർ​ഷം വ​രെ ഗെ​യിം​സ് നീ​ട്ടി​വ​യ്ക്കു​ന്ന​തും ഐ​ഒ​സിയുടെ പരിഗണനയിലുണ്ട്.

കൊവിഡ് 19 വൈറസ് വ്യാപനത്തെ തുടർന്ന് ലോ​ക​ത്ത് ന​ട​ന്നു​വ​ന്ന മ​ഹാ​ഭൂ​രി​പ​ക്ഷം മ​ത്സ​ര​ങ്ങ​ളും റ​ദ്ദാ​ക്കു​ക​യോ നീ​ട്ടി​വ​യ്ക്കു​ക​യോ ചെയ്തതോടെ ഒ​ളി​മ്പി​ക്സ് നീ​ട്ടി​വ​യ്ക്കാ​ൻ ആവശ്യപ്പെട്ടു ഐ​ഒ​സി​ക്ക് മേ​ൽ സ​മ്മ​ർ​ദ​മേ​റി​യിതാണ് മത്സരം മാറ്റുന്നതിനെ കുറിച്ച് ആലോചിക്കുവാൻ കാരണം. ഗെ​യിം​സ് നീ​ട്ട​ണ​മെ​ന്ന ആ​വ​ശ്യ​വു​മാ​യി കൂ​ടു​ത​ൽ രാ​ജ്യ​ങ്ങ​ളും സം​ഘ​ട​ന​ക​ളും ക​ളി​ക്കാ​രും രം​ഗ​ത്തു​വ​രു​ന്നി​രു​ന്നു. ജൂ​ലൈ 24 മു​ത​ൽ ഓ​ഗ​സ്റ്റ് ഒ​മ്പ​തു വ​രെ​യാ​ണ് ടോ​ക്കി​യോ ഒ​ളി​മ്പി​ക്സ് നിലവിൽ തീരുമാനിച്ചിരിക്കുന്നത്.

Also read : കോവിഡ് 19 ; ബ്രിട്ടനില്‍ ഇന്നലെ മാത്രം സ്ഥിരീകരിച്ചത് 665 പേര്‍ക്ക് ; ഗര്‍ഭിണിയായ യുവതിയടക്കം നാല് മലാളികള്‍ക്ക് കോവിഡ് ; മരണസംഖ്യ മുന്നൂറിനോട് അടുക്കുന്നു

ആഗോളതലത്തില്‍ കൊവിഡ് 19 വൈറസ് ബാധിച്ച് മരിച്ചവരുടെ എണ്ണം 14600 കവിഞ്ഞു.  ഇതുവരെ 3,35,403 ആളുകളിലാണ് വൈറസ് ബാധ സ്ഥിരീകരിച്ചത്. ഇറ്റലിയില്‍ ദിനം പ്രതി സ്ഥിതിഗതികള്‍ വഷളാകുകയാണ്. ഒറ്റ ദിവസം മാത്രം 651 പേരാണ് ഇവിടെ മരിച്ചത്. ഇതോടെ ഇറ്റലിയില്‍ മരണസംഖ്യ 5476 ആയി. ഒറ്റ ദിവസം കൊണ്ട് ഇവിടെ മരണസംഖ്യയില്‍ 13.5 ശതമാനത്തിന്റെ വര്‍ധനവാണ് രേഖപ്പെടുത്തിയത്.

കേരളത്തില്‍ ഇന്നലെ 9776 പേരെ കോവിഡ് നിരീക്ഷണത്തില്‍ നിന്ന് ഒഴിവാക്കി. ഇപ്പോള്‍ നിരീക്ഷണത്തിലുള്ളത് 59,295 പേര്‍. ഇതില്‍ വീടുകളില്‍ 58,981 പേരും ആശുപത്രികളില്‍ 314 പേരുമാണുള്ളത്. രോഗലക്ഷണങ്ങള്‍ ഉള്ള 4035 പേരുടെ സാംപിള്‍ പരിശോധനയ്ക്ക് അയച്ചതില്‍ 2744 എണ്ണത്തിന്റെ ഫലവും നെഗറ്റീവ് ആണെന്ന് ആരോഗ്യ മന്ത്രി കെ.കെ.ശൈലജ ടീച്ചര്‍ പറഞ്ഞു.

Also read : 24 മ​ണി​ക്കൂ​റി​നി​ടെ നൂ​റി​ലേ​റെ മ​ര​ണം : കൊറോണയിൽ ആടിയുലഞ്ഞ് അമേരിക്കയും

ഇന്നലെ കോവിഡ് സ്ഥിരീകരിച്ച കണ്ണൂര്‍ സ്വദേശികളില്‍ ഒരാള്‍ മാര്‍ച്ച് 20ന് ബെംഗളൂരുവിലെത്തി. അവിടെ നിന്നു വാനില്‍ അഞ്ചുപേര്‍ക്കൊപ്പം കണ്ണൂരിലെത്തുകയും പിന്നീട് വീട്ടില്‍ നിരീക്ഷണത്തിലായിരുന്നു. രണ്ടാമത്തെയാള്‍ മാര്‍ച്ച് 17ന് കരിപ്പൂര്‍ വഴിയെത്തി വീട്ടില്‍ നിരീക്ഷണത്തിലായിരുന്നുവെങ്കിലും ഇയാള്‍ ഇപ്പോള്‍ കണ്ണൂര്‍ ഗവ. മെഡിക്കല്‍ കോളജില്‍ ചികില്‍സയിലാണ്. മൂന്നാമത്തെയാള്‍ മാര്‍ച്ച് 17നു നിന്നു കരിപ്പൂരിലെത്തി കോഴിക്കോട് മെഡിക്കല്‍ കോളേജില്‍ പ്രവേശിപ്പിച്ചു. മാര്‍ച്ച് 21ന് ദുബായില്‍നിന്ന് നെടുമ്പാശേരി വഴിയെത്തിയ നാലാമത്തെയാള്‍ തലശ്ശേരി ജനറല്‍ ആശുപത്രിയിലാണ്. നാലുപേരും ദുബായില്‍നിന്നെത്തിയവരാണ്.

 എറണാകുളം ജില്ലയില്‍ നേരത്തേ രോഗം സ്ഥിരീകരിച്ചിരുന്നെങ്കിലും ഇന്നലെയാണ് ജില്ലക്കാര്‍ക്ക് രോഗം സ്ഥിരീകരിക്കുന്നത്. മട്ടാഞ്ചേരി, മരട് സ്വദേശികളായ രണ്ടു പേരും കളമശേരി മെഡിക്കല്‍ കോളജിലെ ഐസലേഷന്‍ വാര്‍ഡിലാണ് ഇപ്പോള്‍ ഉള്ളത്.