കോവിഡ് : വിദേശത്ത് കുടുങ്ങിയ പ്രവാസികളെ നാട്ടിലെത്തിക്കുന്ന വന്ദേഭാരത് മിഷന്‍റെ മൂന്നാംഘട്ടം പ്രഖ്യാപിച്ചു 

ന്യൂ ഡൽഹി : കോവിഡ്-19 വ്യാപനത്തെ തുടർന്ന് വിദേശ രാജ്യങ്ങളിൽ കുടുങ്ങിയ ഇന്ത്യൻ പ്രവാസികളെ  നാട്ടിലെത്തിക്കുന്ന വന്ദേഭാരത് മിഷന്‍റെ മൂന്നാംഘട്ടം പ്രഖ്യാപിച്ച്  വ്യോമയാനമന്ത്രി ഹ‍ര്‍ദ്ദീപ് സിംഗ് പുരി.

More flights being added to Mission Vande Bharat to enable stranded & distressed Indians to return home.@airindiain will operate 70 flights to destinations in USA & Canada under Phase 3 of the Mission from 11-30 June 2020.@MEAIndia @MoCA_GoI @PIB_India

— Hardeep Singh Puri (@HardeepSPuri) June 1, 2020

ജൂൺ 11 മുതൽ 30 വരെയാണ് മൂന്നാം ഘട്ട  മിഷൻ. അമേരിക്കയിൽ നിന്നും കാനഡയില്‍ നിന്നും ഉള്‍പ്പെടെ 70 വിമാനസർവ്വീസുകൾ ഉണ്ടാകും. അമേരിക്കയിലേക്ക് കൂടുതൽ സർവ്വീസ് നടത്തും. അന്താരാഷ്ട്ര വിമാനസർവ്വീസ് തുടങ്ങാൻ ശ്രമം തുടരും. എന്നാൽ   പല രാജ്യങ്ങളും സർവ്വീസുകൾ അനുവദിക്കുന്നില്ലെന്നും, സർവ്വീസ് തുടങ്ങാൻ ഇന്ത്യയിലെ പ്രധാന നഗരങ്ങളിലെ സ്ഥിതി സാധാരണ നിലയിലേക്ക് വരേണ്ടതുണ്ടെന്നും വ്യോമയാനമന്ത്രി വ്യക്തമാക്കി.

Also read : കൊവിഡിന് വാക്സിന്‍ കണ്ടെത്തുന്നത് വരെ സ്കൂളുകള്‍ തുറക്കരുതെന്ന് ഭീമ ഹർജി

കോവിഡ് പ്രതിസന്ധി കാരണം  പ്രവാസികളായ നിരവധിപ്പേരാണ് വിവിധ ലോകരാജ്യങ്ങളിൽ കുടുങ്ങിയത്.  ഇവരിൽ പലരേയും   രണ്ട് ഘട്ടമായി നടപ്പിലാക്കിയ വന്ദേഭാരത് മിഷനിലൂടെയാണ് നാട്ടിലെത്തിച്ചത്.