ഈ വർഷത്തെ ഫ്ലിപ്കാർട്ടിന്റെ ബിഗ് ദിവാലി സെയിൽ നവംബർ 8 ന് ആരംഭിക്കുമെന്ന് വാൾമാർട്ടിന്റെ ഉടമസ്ഥതയിലുള്ള ഇ-റീട്ടെയിൽ ഭീമൻ അറിയിച്ചു. ബിഗ് ദിവാലി സെയിൽ നവംബർ 13 വരെ തുടരും. ധാരാളം ഓഫറുകളും ഡീലുകളും ഉൾപ്പെടുന്നതായിരിക്കും സെയിൽ. ആക്സിസ് ബാങ്ക്, സിറ്റി, ഐസിഐസിഐ ബാങ്ക്, കൊഡാക് ബാങ്കുകളുടെ കാർഡുകൾ ഉപയോഗിച്ച് നടത്തുന്ന ഇടപാടുകൾക്ക് 10 ശതമാനം തൽക്ഷണ കിഴിവ് നൽകുമെന്ന് ഫ്ലിപ്കാർട്ട് അറിയിച്ചു.
പ്രതീക്ഷിച്ചതുപോലെ, ഫ്ലിപ്കാർട്ട് പ്ലസ് ഉപഭോക്താക്കൾക്ക് നവംബർ 7 ന് ഉച്ചയ്ക്ക് 12 മണിക്ക് ബിഗ് ദിവാലി സെയിൽ ഡീലുകളിലേക്കും ഓഫറുകളിലേക്കും നേരത്തെ പ്രവേശനം ലഭിക്കും. ക്രെഡിറ്റ്, െഡബിറ്റ് കാർഡ് തൽക്ഷണ കിഴിവിനുപുറമെ, ബജാജ് ഫിൻ‌സെർവ് ഇഎംഐ കാർഡുകൾക്കൊപ്പം മറ്റ് പ്രമുഖ ബാങ്ക് ക്രെഡിറ്റ്, ഡെബിറ്റ് കാർഡുകൾക്കും ഫ്ലിപ്പ്കാർട്ട് ഷോപ്പർമാർക്ക് നോകോസ്റ്റ് ഇഎംഐ ഓപ്ഷനുകൾ ലഭിക്കും.
വിവിധ വിഭാഗങ്ങളിലായി 80 ശതമാനം വരെ ഇളവുകൾ നൽകും. മൊബൈലുകൾ, ലാപ്‌ടോപ്പുകൾ, ടിവികൾ, വീട്ടുപകരണങ്ങൾ, വസ്ത്രങ്ങൾ, ഫർണിച്ചർ, ഫാഷൻ, പുസ്‌തകങ്ങൾ എന്നിവയ്ക്ക് എല്ലാം വൻ ഓഫറുകളാണ് നൽകുന്നത്.
Post Your Comments