തിരുവനന്തപുരം : കോവിഡ്കാലത്തെ തെരഞ്ഞെടുപ്പില്‍ വോട്ടുമഷിക്ക് വീര്യം കുറയുമോയെന്ന് ആശങ്ക. കോവിഡ് പ്രതിരോധത്തിന്റെ ഭാഗമായി ബൂത്തില്‍ കൊണ്ടുപോകാന്‍ അനുമതിയുള്ള സാനിറ്റൈസര്‍ പുരട്ടുമ്പോൾ മഷി മായുമോയെന്ന സംശയമാണുയരുന്നത്.
Read Also : കെഎസ്‌ആര്‍ടിസി ഓര്‍ഡിനറി ബസുകളിൽ യാത്ര ചെയ്യുന്നവർക്ക് ഒരു സന്തോഷവാർത്ത
ഇരട്ട വോട്ടുള്ളവര്‍ ഒരിടത്ത് സമ്മതിദാനാവകാശം വിനിയോഗിച്ചശേഷം മറ്റൊരിടത്ത് വോട്ട് ചെയ്യാനും കള്ളവോട്ടുകള്‍ ചെയ്യാനുമാണ് മഷി മായ്ക്കുന്നത്. ചില രാഷ്ട്രീയ പാര്‍ട്ടികള്‍ മഷി മായ്ക്കാനുള്ള രാസമിശ്രിതം വരെ തെരഞ്ഞെടുപ്പ് ദിവസം പ്രവര്‍ത്തകര്‍ക്ക് കൈമാറാറുണ്ടെന്നത് പരസ്യമായ രഹസ്യമാണ്.
ഇതിനായി ചുമതലപ്പെടുത്തിയ ആളെ സമീപിച്ചാല്‍ മഷി മായ്ച്ചുകൊടുക്കുന്നതാണ് പതിവ്. സാനിറ്റൈസറിന്റെ കുപ്പിയില്‍ ഇത്തരം രാസമിശ്രിതങ്ങള്‍ കൊണ്ട് പോയാല്‍ ബൂത്തില്‍വെച്ചുതന്നെ മഷി മായ്ക്കാന്‍ കഴിയും. സാനിറ്റൈസറാണെന്നു കരുതി ആരും സംശയിക്കുകയുമില്ല.
എന്നാൽ വിരലിന്റെ അറ്റത്ത് പുരട്ടി 40 സെക്കന്‍ഡുകൊണ്ട് മഷി ഉണങ്ങുമെന്നാണ് നിര്‍മാതാക്കളായ മൈസൂര്‍ പെയിന്‍റ് ആന്‍ഡ് വാര്‍ണീഷസ് ലിമിറ്റഡിന്റെ അവകാശവാദം.സാനിറ്റൈസര്‍ ഉപയോഗിച്ചാലും മഷി മായില്ലെന്ന് മൈസൂര്‍ പെയിന്‍റ് അധികൃതര്‍ സംസ്ഥാന തെരഞ്ഞെടുപ്പ് കമ്മീഷന് ഉറപ്പ് നൽകിയിട്ടുണ്ട്.
Post Your Comments