വി​ജ​യ് ഹ​സാ​രെ ട്രോഫി: തുടർച്ചയായി മൂന്നാമതും വിജയം കൊയ്ത് കേരളം

ബം​ഗ​ളൂ​രു: ഫെബ്രുവരി 24- ന് നടന്ന വി​ജ​യ് ഹ​സാ​രെ ട്രോഫി മത്സരത്തില്‍ കേരളത്തിന് ജയം. ഗ്രുപ്പ് സിയില്‍ ഇന്ന് കേരളം റെ​യി​ല്‍​വേ​സി​നെ ഏ​ഴു റ​ണ്‍​സി​നാണ് തോല്‍പ്പിച്ചത്. കേരളത്തിന്‍റെ തുടര്‍ച്ചയായ മൂന്നാം വിജയമാണിത്. ആദ്യം ബാറ്റ് ചെയ്ത കേരളം 351 റണ്‍സ് നേടിയപ്പോള്‍ 352 റണ്‍സ് വിജയലക്ഷയവുമായി ഇറങ്ങിയ റെ​യി​ല്‍​വേ​സ് 344 റണ്‍സ് നേടി പുറത്തായി.

Read Also: യു.എ.പി.എ കേസ്; അലൻ ഷുഹൈബ്​ ജാമ്യവ്യവസ്ഥയിൽ ഇളവ്​ തേടി കോടതിയിൽ

കേരളം നിശ്ചിത അമ്പത് ഓവറില്‍ 6 വിക്കറ്റ് നഷ്ടത്തില്‍ 351 റണ്‍സ് നേടി. റോ​ബി​ന്‍ ഉ​ത്ത​പ്പ​യു​ടേ​യും (100) വി​ഷ്ണു വി​നോ​ദി​ന്‍റെ​യും (104) സെഞ്ചുറിയുടെ ബലത്തിലാണ് കേരളത്തിന് മികച്ച സ്‌കോര്‍ നേടാൻ കഴിഞ്ഞത്ത്. ഒന്നാം വിക്കറ്റില്‍ ഇരുവരും ചേര്‍ന്ന് 193 റണ്‍സ് നേടി. ഉത്തപ്പ തുടര്‍ച്ചയായ മൂന്ന് കളികളിലും മികച്ച പ്രകടനമാണ് കാഴ്ചവെച്ചത്.