ക​സേ​ര​യി​ലി​രു​ന്ന പ​ട്ടി​ക​ജാ​തി​ക്കാ​രി​യെ സി.​പി.​എം നേതാവായ പ​ഞ്ചാ​യ​ത്ത് പ്രസിഡന്‍റ് ഇറക്കിവിട്ടതായി പരാതി

വ​ട​ശ്ശേ​രി​ക്ക​ര : പ​ട്ടി​ക​ജാ​തി​ക്കാ​രി​യെ പ​ഞ്ചാ​യ​ത്ത് പ്ര​സി​ഡ​ൻ​റ്​​ അ​പ​മാ​നി​ച്ച്​ ഇ​റ​ക്കി​വി​ട്ട​താ​യി പ​രാ​തി. പെ​രു​നാ​ട് പ​ഞ്ചാ​യ​ത്തി​ലെ തൊ​ഴി​ലു​റ​പ്പ് പ​ദ്ധ​തി മേ​റ്റാ​യ കോ​ട്ടൂ​പ്പാ​റ സ്വ​ദേ​ശി​നി കണി​പ്പ​റ​മ്പി​ൽ ഓ​മ​ന സു​ധാ​ക​ര​നെ​യാ​ണ് സി.​പി.​എം ജി​ല്ല ക​മ്മി​റ്റി അം​ഗ​വും പെ​രു​നാ​ട് പ​ഞ്ചാ​യ​ത്ത് പ്ര​സി​ഡ​ൻ​റു​മാ​യ പി.​എ​സ്. മോ​ഹ​ന​ൻ ഇറക്കിവിട്ടത്. ക​സേ​ര​യി​ൽ ഇ​രു​ന്ന​തിന്റെ പേ​രി​ലാണ് അ​പ​മാ​നിച്ചതെന്നും ഓ​മ​ന സു​ധാ​ക​രൻ പറഞ്ഞു.

പ​ഞ്ചാ​യ​ത്തിന്റെ ആ​സ്തി ബാ​ധ്യ​ത ഇ​ല്ലാ​ത്ത റോ​ഡി​ൽ തൊ​ഴി​ലു​റ​പ്പ് ജോ​ലി​ക​ൾ ചെ​യ്തു​വെ​ന്നാ​രോ​പി​ച്ച്​ ച​ർ​ച്ച​ക്കാ​യി വാ​ർ​ഡ് അം​ഗ​ത്തെ​യും മ​റ്റൊ​രു തൊ​ഴി​ലാ​ളി​യെ​യും ത​ന്നെ​യും പ​ഞ്ചാ​യ​ത്ത് ഓ​ഫി​സി​ലേ​ക്ക് വിളിച്ചതായി ഓമന പറഞ്ഞു. തുടർന്ന് പ്രസിഡന്റിന്റെ കാ​ബി​നി​ലെ​ത്തി​യ തങ്ങൾ എ​തി​ർ​വ​ശ​ത്തു​ള്ള ക​സേ​ര​യി​ലി​രു​ന്ന​താ​ണ് പ്ര​സി​ഡ​ൻ​റി​നെ ചൊ​ടി​പ്പി​ച്ച​തെന്നും ഇവർ പറയുന്നു.

Read Also :  ആഴക്കടൽ മത്സ്യ ബന്ധന വിവാദം; പ്രതിപക്ഷ നേതാവ് ഇന്ന് പൂന്തുറയിൽ സത്യാഗ്രഹം ഇരിക്കും

എ​ന്നാ​ൽ, ച​ട്ടം ലം​ഘിച്ച് തൊ​ഴി​ലു​റ​പ്പ് ജോ​ലി​ക​ൾ ചെ​യ്ത​തി​നെ ചോ​ദ്യം ചെയ്തത് കൊണ്ടാണ് ഇത്തരം ആരോപണം തനിക്കെതിരെ ഉന്നയിച്ചിരിക്കുന്നതെന്നും പ്ര​സി​ഡ​ൻ​റ്​ പറയുന്നു . രാ​ഷ്​​ട്രീ​യ ല​ക്ഷ്യ​ത്തോ​ടെ പ​ക പോ​ക്കാ​ൻ വ്യാ​ജ ആ​രോ​പ​ണ​ങ്ങ​ൾ ഉ​ന്ന​യി​ച്ചു ന​ൽ​കി​യ പ​രാ​തി​യാ​ണി​തെ​ന്നും പ്ര​സി​ഡ​ൻ​റ്​ പറഞ്ഞു.