KeralaLatest NewsNews

സ്വർണ്ണക്കടത്ത് ക്വട്ടേഷൻ സംഘമെന്ന സംശയത്തിൽ പിടിയിലായ 14 പേരിൽ ഇരട്ടക്കൊലക്കേസ് പ്രതിയും

 

കണ്ണൂർ: സ്വർണ്ണക്കടത്ത് ക്വട്ടേഷൻ സംഘമെന്ന സംശയത്തിൽ പോലീസ് പിടികൂടിയവരില്‍ ഇരട്ടക്കൊലക്കേസ് പ്രതിയും. തലശ്ശേരി ലോഡ്ജിൽ നിന്നും പിടിയിലായ 14 പേരിൽ ഒരാളാണ് പ്രതി.

 

രണ്ട് ബി.ജെ.പി പ്രവർത്തകരെ കൊന്ന കേസിലെ പ്രതി പി.പി ഫൈസലാണ് പിടിയിലായത്. ഇതിൽ ഒരു കേസിൽ ടി.പി ചന്ദ്രശേഖരനെ കൊലപ്പെടുത്തി ശിക്ഷ അനുഭവിക്കുന്ന കൊടി സുനി രണ്ടാം പ്രതിയാണെന്നാണ് കണ്ടെത്തൽ. തട്ടിക്കൊണ്ടുപോകൽ കേസിലെ പ്രതികളും സംഘത്തിലുണ്ട്. ടി.പി കേസിൽ പരോളിൽ കഴിയുന്നവർ ഈ സംഭവത്തിലും ഉൾപെട്ടിട്ടുണ്ടെന്നാണ് സൂചന.

 

നെടുമ്പാശ്ശേരിയിൽ വിമാനമിറങ്ങിയ ഹഫ്സൽ എന്നയാളെ കാണാതായതിനെ തുടർന്ന് നടത്തിയ അന്വേഷണത്തിന്റെ ഭാഗമായാണ് കസ്റ്റംസും പോലീസ് സംഘവും തലശ്ശേരിയിലെ ലോഡ്ജിൽ പരിശോധന നടത്തിയത്.

ഹഫ്സൽ  സ്വർണ്ണക്കടത്ത് കാരിയറാണെന്നാണ് വിവരം. ഇയാൾക്കൊപ്പം ഹോട്ടൽ മുറിൽ 14 പേരാണ് ഉണ്ടായിരുന്നത്. ഈ സംഘത്തിലാണ് കൊലക്കേസ് പ്രതിയുമുണ്ടായിരുന്നത്. ഹഫ്സൽ വിദേശത്ത് നിന്നും എത്തിച്ച സ്വർണ്ണം കണ്ടെത്താനായിട്ടില്ല.

shortlink

Related Articles

Post Your Comments

Related Articles


Back to top button