ആലുവ: ആലുവയിൽ റേഷൻകട ജീവനക്കാരന് മർദ്ദനം. ഓണക്കിറ്റിനെ ചൊല്ലിയുള്ള തർക്കമാണ് മർദ്ദനത്തിന് കാരണമായത്. കീഴ്മാട് റേഷൻകടയിലെ ജീവനക്കാരന് അബുവിനാണ് മർദ്ദനമേറ്റത്. ഇദ്ദേഹത്തെ ആശുപത്രിയിൽ പ്രവേശിപ്പിച്ചു. കീഴ്മാട് സ്വദേശി ഷമീറാണ് മര്‍ദ്ദിച്ചതെന്ന് അബു പൊലീസില്‍ നല്‍കിയ പരാതിയിൽ പറയുന്നു.
കിറ്റ് പൂർണമായി എത്തിയില്ലെന്നും എത്തിയത് തീർന്നുവെന്നും അറിയിച്ചതോടെ കുപിതനായ ഷമീര്‍ മര്‍ദ്ദിക്കുകയായിരുന്നു എന്നാണ് പരാതി. സംഭവത്തിൽ പ്രതിഷേധിച്ച് നാളെ ഉച്ചവരെ കീഴ്മാട് പഞ്ചായത്തിലെ റേഷന്‍ കടകള്‍ അടച്ചിടുമെന്ന് റേഷൻ എംപ്ലോയീസ് യൂണിയൻ ഭാരവാഹികള്‍ അറിയിച്ചു.
Post Your Comments