‘ട്രാവല്‍ വിത്ത് ജെഒ’ എന്ന ട്രാവല്‍ വ്ളോഗ് ചാനല്‍ നടത്തുന്ന ഹരിയാന യൂട്യൂബര്‍ ജ്യോതി മല്‍ഹോത്ര പാകിസ്ഥാന്‍ രഹസ്യാന്വേഷണ ഉദ്യോഗസ്ഥര്‍ക്ക് തന്ത്രപ്രധാനമായ വിവരങ്ങള്‍ കൈമാറിയെന്ന കുറ്റത്തിന് അറസ്റ്റിലായതിന് പിന്നാലെ അവരെ കുറിച്ചുള്ള കൂടുതല്‍ വിശദാംശങ്ങള്‍ പുറത്തുവന്നു. അറസ്റ്റിനെത്തുടര്‍ന്ന് അവരുടെ വീഡിയോകള്‍ സൂക്ഷ്മപരിശോധനയ്ക്ക് വിധേയമായി, അതിലൊന്നില്‍ ഇന്ത്യയിലെ ഹൈക്കമ്മീഷനിലെ ഒരു പാകിസ്ഥാന്‍ ഉദ്യോഗസ്ഥനുമായുള്ള അവരുടെ ബന്ധം വെളിപ്പെട്ടു.
കഴിഞ്ഞ വര്‍ഷം, പാകിസ്ഥാന്‍ ഹൈക്കമ്മീഷനില്‍ നിന്നുള്ള പ്രത്യേക ക്ഷണം സ്വീകരിച്ച് ജ്യോതി മല്‍ഹോത്ര ഒരു ഇഫ്താര്‍ വിരുന്നില്‍ പങ്കെടുത്തിരുന്നു. തുടര്‍ന്ന് അവര്‍ പരിപാടിയുടെ ഒരു വീഡിയോ പങ്കുവെച്ചു, അതില്‍ ഡാനിഷ് എന്ന് താന്‍ പരിചയപ്പെടുത്തുന്ന പാകിസ്ഥാന്റെ ഹൈക്കമ്മീഷന്‍ ഉദ്യോഗസ്ഥനുമായുള്ള വീഡിയോ ചിത്രീകരിച്ചിരിക്കുന്നു.
മെയ് 13 ന് ചാരവൃത്തി ആരോപിച്ച് സര്‍ക്കാര്‍ എഹ്സാന്‍-ഉര്‍-റഹീം എന്ന ഡാനിഷിനെ പെഴ്സണ്‍ നോണ്‍ ഗ്രാറ്റയായി പ്രഖ്യാപിക്കുകയും പുറത്താക്കുകയും ചെയ്തു. 2023 ല്‍ പാകിസ്ഥാന്‍ സന്ദര്‍ശിച്ച സമയത്ത് കമ്മീഷന്‍ ഏജന്റുമാര്‍ വഴി വിസ നേടിയ മല്‍ഹോത്ര ഡാനിഷുമായി അടുത്ത ബന്ധം വളര്‍ത്തിയെടുത്തതായി അന്വേഷണങ്ങള്‍ വെളിപ്പെടുത്തുന്നു. തുടര്‍ന്ന് നിരവധി പാകിസ്ഥാന്‍ ഇന്റലിജന്‍സ് ഓപ്പറേറ്റീവുകള്‍ക്ക് (പിഐഒ) മല്‍ഹോത്രയെ പരിചയപ്പെടുത്തിയത് ഡാനിഷ് ആണെന്ന് ആരോപിക്കപ്പെടുന്നു.
പരിപാടിയില്‍ പങ്കെടുക്കാന്‍ എത്തിയ ജ്യോതി മല്‍ഹോത്രയെ ഡാനിഷ് സ്വീകരിക്കുന്നതും വേദിയിലേക്ക് കൊണ്ടുപോകുന്നതും വീഡിയോയിലുണ്ട്. തുടര്‍ന്ന് ഡാനിഷ് തന്റെ ഭാര്യയെ മല്‍ഹോത്രയ്ക്ക് പരിചയപ്പെടുത്തുന്നതും, അവര്‍ പാകിസ്ഥാന്‍ ദേശീയ ദിനത്തെക്കുറിച്ച് ചര്‍ച്ച ചെയ്യുന്നതും വീഡിയോയിലുണ്ട്.
Post Your Comments