ഓസ്‌ട്രേലിയന്‍ ഓപ്പൺ : ഷറപ്പോവ പുറത്ത്

മെല്‍ബണ്‍: ഓസ്‌ട്രേലിയന്‍ ഓപ്പണിൽ സൂപ്പർ താരം മരിയ ഷറപ്പോവ പ്രീ ക്വാർട്ടറിൽ പുറത്തായി. ഒന്നിനെതിരെ രണ്ട് സെറ്റുകള്‍ക്ക് ആഷ്‍ലീഗ് ബാർട്ടിയാണ് അഞ്ച് തവണ ഗ്രാന്‍ഡ്‌സ്ലാം ചാമ്പ്യയായ ഷറപ്പോവയെ തോൽപ്പിച്ചത്. സ്‌കോര്‍ 4-6, 6-1, 6-4. ക്വാർട്ടറിൽ പെട്ര ക്വിറ്റോവയാണ് ആഷ്‍ലീഗ് ബാർട്ടിയുടെ എതിരാളി. പ്രീക്വാർട്ടറിൽ അമാൻഡ അനിസിമോവയെ നേരിട്ടുള്ള സെറ്റുകൾക്ക് തോൽപ്പിച്ചാണ് ക്വിറ്റോവ ക്വാർട്ടറിലെത്തിയത്. സ്കോർ 6-2, 6-1.