സൗ​ദി​യി​ല്‍ കെ​ട്ടി​ട നിർമ്മാണ ജോ​ലി​ക്കി​ടെ പ്രവാസി കാലുവഴുതി നി​ല​ത്തു​വീ​ണു ; അഞ്ചു മാസമായി ആശുപത്രി കിടക്കയിൽ

റി​യാ​ദ്​: ബി​ഹാ​ർ സ്വ​ദേ​ശി കെ​ട്ടി​ട നിർമ്മാണ ജോ​ലി​ക്കി​ടെ നി​ല​ത്തു​വീ​ണ്​ പ​രി​ക്കേ​റ്റ് ​അ​ഞ്ചു​മാ​സ​മാ​യി സൗ​ദി​യി​ലെ ആ​ശു​പ​ത്രി​യി​ൽ. പ​രി​ക്ക്​ ഭേ​ദ​മാ​യെ​ങ്കി​ലും മ​ന​സ്സി​ന്റെ സ​മ​നി​ല തെ​റ്റി​യ അ​വ​സ്ഥ​യി​ലാ​ണ്. ഭാ​രി​ച്ച ചി​കി​ത്സ​ച്ചെ​ല​വ്​ അടയ്ക്കാതെ ആ​ശു​പ​ത്രി​യി​ൽ​നി​ന്ന്​ വി​ടു​ത​ൽ​ ല​ഭിക്കില്ല

10 വ​ർ​ഷ​മാ​യി റി​യാ​ദി​ൽ കെ​ട്ടി​ട നി​ർ​മാ​ണ ജോ​ലി ന​ട​ത്തി​യി​രു​ന്ന മു​സാ​ഫി​ർ അ​ലി​യാ​ണ്​ (51) റി​യാ​ദ്​ ന​ഗ​ര​ത്തി​ൽ​നി​ന്ന്​ 200 കി​ലോ​മീ​റ്റ​ർ അ​ക​ലെ സാ​ജി​ർ ജ​ന​റ​ൽ ആ​ശു​പ​ത്രി​യി​ൽ ക​ഴി​യു​ന്ന​ത്. അ​ഞ്ച്​ മാ​സം മു​മ്പ്​ റി​യാ​ദി​ൽ ജോ​ലി​ചെ​യ്​​തു​കൊ​ണ്ടി​രി​ക്കു​​മ്പോഴാണ് കെ​ട്ടി​ട​ത്തിന്റെ മു​ക​ളി​ൽ​നി​ന്ന്​ വീ​ണ്​ ഗു​രു​ത​ര​മാ​യി പ​രി​ക്കേ​റ്റ​ത്.

ശു​മൈ​സി​യി​ലെ കി​ങ്​ ​ ആ​ശു​പ​ത്രി​യി​ൽ പ്ര​വേ​ശി​പ്പിച്ച മു​സാ​ഫിറിനെ ര​ണ്ടു​മാസത്തിനു ശേഷം ആ​രും തി​രി​ഞ്ഞു​നോ​ക്കാ​നി​ല്ലാ​ത്ത അ​വ​സ്ഥ​യി​ൽ 200 കി​ലോ​മീ​റ്റ​ർ അ​ക​ലെ സാ​ജി​ർ ആ​ശു​പ​ത്രി​യിലേക്ക് മാ​റ്റു​ക​യാ​യി​രു​ന്നു. മൂ​ന്നു​ മാ​സ​മാ​യി സാ​ജി​റി​ലാ​ണ്. ഇ​യാ​ളെ ക​ണ്ടെ​ത്തി നാ​ട്ടി​ലെ​ത്തി​ക്കാ​ൻ ബ​ന്ധു​ക്ക​ൾ സ​ഹാ​യം തേ​ടി​യ​തി​നെ​ത്തു​ട​ർ​ന്ന്​​ ഇ​ന്ത്യ​ൻ എം​ബ​സി ദ​വാ​ദ്​​മി​യി​ലെ സാ​മൂ​ഹി​ക പ്ര​വ​ർ​ത്ത​ക​ൻ ഹു​സൈ​ൻ അ​ലി വ​ഴി ന​ട​ത്തി​യ അ​ന്വേ​ഷ​ണ​ത്തി​ലാ​ണ്​ സാ​ജി​ർ ആ​ശു​പ​ത്രി​യി​ൽ ക​ണ്ടെ​ത്തി​യ​ത്. ബി​ൽ​ ഒ​ഴി​വാ​ക്കാ​ൻ ആ​ശു​പ​ത്രി അ​ധി​കൃ​ത​രെ ക​ണ്ട്​ ച​ർ​ച്ച ന​ട​ത്തു​ക​യാ​ണ്. പാ​സ്​​പോ​ർ​ട്ട്​ എ​വി​ടെ​യാ​ണെ​ന്ന​റി​യി​ല്ല. അ​ക്കാ​ര്യം എം​ബ​സി​യു​ടെ ശ്ര​ദ്ധ​യി​ൽ പെ​ടു​ത്തി​യി​ട്ടു​ണ്ട്. ആ​ശു​പ​ത്രി​യി​ൽ​നി​ന്ന്​ വി​ടു​ത​ൽ കി​ട്ടി​യാ​ൽ എം​ബ​സി ഔട്ട് പാസ് ​ന​ൽ​കും. നാ​ട്ടി​ൽ അ​യ​ക്കാ​നു​ള്ള ചെ​ല​വും എം​ബ​സി വ​ഹി​ക്കും.