പൊന്‍കുന്നം; ഉപയോഗിക്കാത്ത വെള്ളത്തിനും വൈദ്യുതിയ്ക്കുമെല്ലാം കണ്ണു തള്ളുന്ന ബില്ലിട്ട് വാട്ടര്‍ അതോറിറ്റിയും കെഎസ്‌ഇബിയുമെല്ലാം ഉപഭോക്താക്കളെ പേടിപ്പിക്കാറുണ്ട്. എന്നാൽ ഇത്തവണ അങ്ങനെ പണികിട്ടിയത് എംഎൽഎയ്ക്കാണ്. എന്‍. ജയരാജ് എംഎല്‍എയ്ക്കാണ് ഉയോഗിക്കാത്ത വെള്ളത്തിന് ബില്ല് വന്നത്.രണ്ട് വര്‍ഷമായി ജയരാജ് എംഎല്‍എയുടെ വീട്ടിലെ പൈപ്പ് ലൈനില്‍ വെള്ളം എത്തുന്നില്ല.
ജലഅതോറിറ്റിയുടെ നെടുംകുന്നം ഓഫീസാണ് 21,562 രൂപയുടെ ബില്ലിട്ടത്. കണക്ഷന്‍ പ്രവര്‍ത്തിക്കുന്നില്ലെന്നും ബില്ലില്‍ രേഖപ്പെടുത്തിയിട്ടുണ്ട്. 16 ന് അകം മുഴുവന്‍ തുകയും അടയ്ക്കണം എന്നാണ് നിര്‍ദേശം. പൊന്‍കുന്നം റോയല്‍ ബൈപ്പാസ് റസിഡന്റ്‌സ് അസോസിയേഷന്‍ പ്രവര്‍ത്തകര്‍ ജലവിതരണക്കുഴല്‍ പുനഃസ്ഥാപിക്കണമെന്നാവശ്യപ്പെട്ട് എംഎല്‍എക്കു നിവേദനം കൊടുക്കാന്‍ എത്തിയവരോടാണ് തന്റെ സങ്കടം അദ്ദേഹം തുറന്നു പറഞ്ഞത്.
Post Your Comments