മിഷിഗണ്‍ • ലോക്ക്ഡൗണ്‍ അവസാനിപ്പിക്കണമെന്ന് ആവശ്യപ്പെട്ട് റൈഫിളുകളും തോക്കുകളുമേന്തി പ്രകടനക്കാര്‍ മിഷിഗണിലെ ക്യാപിറ്റല്‍ ബില്‍ഡിംഗിലെ ഗവര്‍ണ്ണറുടെ ഓഫീസിലെത്താന്‍ ശ്രമിച്ചതായി റിപ്പോര്‍ട്ട്. ലാന്‍സിംഗിലെ കെട്ടിടത്തിന്‍റെ ലോബിയില്‍ ഡസന്‍ കണക്കിന് പ്രകടനക്കാര്‍ തിങ്ങിനിറഞ്ഞു. ഹൗസ് ചേംബറിലേക്ക് പ്രവേശനം അനുവദിക്കണമെന്നായിരുന്നു അവരുടെ ആവശ്യം. എന്നാല്‍ പോലീസ് അവരെ തടഞ്ഞു. പ്രതിഷേധക്കാരാരും മാസ്കുകള്‍ ധരിച്ചിരുന്നില്ല.
തനിക്കു നേരെ റൈഫിളുകളുമായി പുരുഷന്മാര്‍ ശകാരവാക്കുകള്‍ ചൊരിഞ്ഞതായി സെനറ്റര്‍ ഡെയ്ന പോളഹാന്‍കി ട്വീറ്റ് ചെയ്തു.
ഗവര്‍ണര്‍ ഗ്രെച്ചന്‍ വിറ്റ്മറെ അഡോള്‍ഫ് ഹിറ്റ്‌ലറായി ചിത്രീകരിക്കുന്നതടക്കം അസഭ്യങ്ങളും പ്രതിഷേധക്കാര്‍ വിളിച്ചു പറയുന്നുണ്ടായിരുന്നു. അമേരിക്കന്‍ പാട്രിയറ്റ് റാലി എന്ന് വിളിക്കപ്പെടുന്ന ഈ പ്രകടനം സംഘടിപ്പിച്ചത് മിഷിഗണ്‍ യുണൈറ്റഡ് ഫോര്‍ ലിബര്‍ട്ടി എന്ന് സ്വയം വിശേഷിപ്പിക്കുന്ന ഒരു സംഘമാണ്.
കോവിഡ് 19 പാന്‍ഡെമിക് ഉള്‍പ്പെടെയുള്ള ഏതെങ്കിലും കാരണങ്ങളാല്‍ ഞങ്ങളുടെ അവകാശങ്ങള്‍ പരിമിതപ്പെടുത്തുകയോ റദ്ദാക്കപ്പെടുകയോ ചെയ്യുന്നതിനോട് ഞങ്ങള്‍ യോജിക്കുകയോ സമ്മതിക്കുകയോ ചെയ്യുന്നില്ലെന്ന് 8,800 ല്‍ അധികം അംഗങ്ങളുള്ള സ്വകാര്യ ഗ്രൂപ്പ് ഫേസ്ബുക്ക് പേജില്‍ എഴുതി.
‘ഞങ്ങളുടെ കുടുംബങ്ങളെ സഹായിക്കാനും സ്വതന്ത്രമായി യാത്ര ചെയ്യാനും മതാരാധനയ്ക്കും മറ്റ് ആവശ്യങ്ങള്‍ക്കുമായി ഒത്തുചേരാനും ഞങ്ങളുടെ സര്‍ക്കാരിനെതിരെ പ്രതിഷേധിക്കാനും ഞങ്ങളുടെ സ്വന്തം വൈദ്യസഹായം നയിക്കാനും പ്രവര്‍ത്തിക്കാന്‍ ഓരോ അമേരിക്കക്കാരനും ഓരോ മിഷിഗാണ്ടറിനും അവകാശമുണ്ടെന്ന് ഞങ്ങള്‍ വിശ്വസിക്കുന്നു,’ ഗ്രൂപ്പ് അവകാശപ്പെടുന്നു.
മാര്‍ച്ച് 24 ന് വിറ്റ്മര് പുറപ്പെടുവിച്ച സ്റ്റേഅറ്റ് ഹോം നിര്‍ദ്ദേശങ്ങള്‍ നിവാസികള്‍ക്ക് ഭരണഘടനാപരമായ അവകാശങ്ങള്‍ ലംഘിക്കില്ലെന്ന് മിഷിഗണ്‍ കോടതി വിധിച്ചിരുന്നു. അതിനു ശേഷമാണ് ഈ പ്രതിഷേധം.
കൊറോണ വൈറസ് മൂലം 3,500 ല്‍ അധികം ആളുകള്‍ കൊല്ലപ്പെട്ട സംസ്ഥാനത്ത് വിറ്റ്മര് ലോക്ക്ഡൗണ്‍ നിയന്ത്രണങ്ങള്‍ നിര്‍ത്തലാക്കണമെന്ന് ഈ മാസം രണ്ടാം തവണയാണ് പ്രതിഷേധക്കാര്‍ ആവശ്യപ്പെട്ടതെന്ന് പറയുന്നു.
ഏപ്രില്‍ 16 ന് മൂവായിരത്തോളം ആയുധധാരികളായ പ്രതിഷേധക്കാര്‍ ലാന്‍സിംഗില്‍ ‘ഓപ്പറേഷന്‍ ഗ്രിഡ്‌ലോക്കിനായി’ ഇറങ്ങിയത് തലസ്ഥാന കെട്ടിടത്തിന് ചുറ്റും വലിയ ഗതാഗതക്കുരുക്ക് സൃഷ്ടിച്ചിരുന്നു. ഒരു ദിവസത്തിനുശേഷം ട്രംപ് അവര്‍ക്ക് പിന്തുണ നല്‍കുന്നതായി പ്രഖ്യാപിക്കുകയും ‘ലിബറേറ്റ് മിഷിഗണ്‍’ എന്ന് ട്വീറ്റ് ചെയ്തതോടെ പ്രതിഷേധങ്ങള്‍ മറ്റിടങ്ങളിലേക്ക് വ്യാപിക്കുകയും ചെയ്തു.
ഡെമോക്രാറ്റിക് പ്രസിഡന്‍റ് നോമിനി ജോ ബിഡന്‍റെ സ്ഥാനാര്‍ത്ഥിയായി മാറിയ വിറ്റ്മര് ആ പ്രതിഷേധത്തെ നിസ്സാരമായി കാണുകയും പ്രതിഷേധം മനുഷ്യസഹജമാണെന്ന് വിശേഷിപ്പിക്കുകയും ചെയ്തു.
ഓരോ ദിവസവും കോവിഡ്-19 വ്യാപനം മന്ദഗതിയിലാക്കാന്‍ ദശലക്ഷക്കണക്കിന് മിഷിഗാന്‍ഡര്‍മാര്‍ അവരുടെ പങ്ക് വഹിക്കുന്നുണ്ട്. പ്രതിഷേധത്തെക്കുറിച്ച് നേരിട്ട് പ്രതികരിക്കാതെ വിറ്റ്മര് വ്യാഴാഴ്ച ട്വീറ്റ് ചെയ്തു.
അതേസമയം, ഇത്രയൊക്കെ പ്രകടനങ്ങള്‍ ഉണ്ടായിരുന്നിട്ടും, വിറ്റ്മര് വൈറസ് പ്രതിസന്ധി കൈകാര്യം ചെയ്ത രീതിക്ക് പൊതുവെ അനുകൂലമായ പ്രതികരണമാണ് ലഭിച്ചു കൊണ്ടിരിക്കുന്നത്.
മൊയ്തീന്‍ പുത്തന്‍‌ചിറ
Post Your Comments