ന്യൂഡൽഹി: കേന്ദ്ര ടൂറിസം, കൾച്ചറൽ മന്ത്രി പ്രഹ്ലാദ് സിങ് പട്ടേലിന് കോവിഡ് സ്ഥിരീകരിച്ചു. ബുധനാഴ്ച രാത്രിയാണ് മന്ത്രിക്ക് കോവിഡ് സ്ഥിരീകരിച്ചത്. ട്വിറ്ററിലൂടെ അദ്ദേഹം തന്നെ രോഗവിവരം പങ്കുവെക്കുകയായിരുന്നു.
താനുമായി സമ്പര്‍ക്കത്തില്‍ വന്നവര്‍ സൂക്ഷിക്കണമെന്നും നിരീക്ഷണത്തില്‍ പോകണമെന്നും മന്ത്രി ട്വീറ്റ് ചെയ്തു. നേരത്തെ, കേന്ദ്രമന്ത്രിമാരായ അമിത് ഷാ, നിതിന്‍ ഗഡ്കരി, ശ്രീപദ് നായിക്, ധര്‍മേന്ദ്ര പ്രധാന്‍, കൈലാഷ് ചൗധരി, അര്‍ജുന്‍ റാം, ഗജേന്ദ്ര ഷെഖാവത്, സുരേഷ് അന്‍ഗാഡി എന്നിവര്‍ക്കും കോവിഡ് സ്ഥിരീകരിച്ചിരുന്നു.
പാർലമെൻറ് മൺസൂൺകാല സമ്മേളനം തുടങ്ങുന്നതിന് മുന്നോടിയായി എല്ലാ അംഗങ്ങളെയും പരിശോധനക്ക് വിധേയമാക്കി. ആദ്യദിവസം തന്നെ 30 അംഗങ്ങൾ ഉൾപ്പെടെ 50ഓളം പേർക്ക് കോവിഡ് സ്ഥിരീകരിച്ചിരുന്നു.
Post Your Comments