പരിശീലക സ്ഥാനത്തേക്ക് ഉടൻ തന്നെ മടങ്ങി വരുമെന്ന് മുൻ ടോട്ടൻഹാം പരിശീലകൻ ജോസെ മൗറീനോ. കളിക്കളത്തിൽ നിന്ന് ഇടവേള എടുക്കാൻ ഉദ്ദേശിക്കുന്നില്ലെന്നും ഫുട്ബോൾ എപ്പോഴും തന്റെ കൂടെ ഉണ്ടെന്നും മൗറീനോ പറഞ്ഞു. കഴിഞ്ഞ ദിവസമാണ് പ്രീമിയർ ലീഗിലെ മോശം പ്രകടനത്തെ തുടർന്ന് ടോട്ടൻഹാം മൗറീനോയെ പരിശീലക സ്ഥാനത്ത് നിന്ന് നീക്കിയത്.
അതേസമയം, ടോട്ടൻഹാം തന്നോട് മോശമായാണോ പെരുമാറിയത് എന്ന ചോദ്യത്തിന് മൗറീനോ മറുപടി പറഞ്ഞില്ല. ആ വിഷയത്തിൽ തനിക്ക് ഒന്നും പറയാനില്ലെന്നും മൗറീനോ കൂട്ടിച്ചേർത്തു. ലീഗ് കപ്പ് ഫൈനലിൽ ടോട്ടൻഹാം അടുത്ത ശനിയാഴ്ച മാഞ്ചസ്റ്റർ സിറ്റിയെ നേരിടാനിരിക്കെയാണ് ടോട്ടൻഹാം മൗറീനോയെ പുറത്താക്കിയത്. പ്രീമിയർ ലീഗിൽ ടോട്ടൻഹാം ഏഴാം സ്ഥാനത്തേക്ക് പിന്തള്ളപ്പെട്ടതോടെയാണ് മൗറീനോയെ പുറത്താക്കാൻ ടോട്ടൻഹാം തീരുമാനിച്ചത്.
Post Your Comments