ലക്നൗ : സമാജ്വാദി പാര്‍ട്ടിയെ രൂക്ഷമായി വിമര്‍ശിച്ച്‌ ബഹുജന്‍ സമാജ്വാദി പാര്‍ട്ടി നേതാവ് മായാവതി. 2022-ലെ തിരഞ്ഞെടുപ്പിനെ ചെറുരാഷ്ട്രീയ പാര്‍ട്ടികളെ ഒപ്പം ചേര്‍ത്ത് നേരിടുമെന്ന സമാജ്വാദി പാര്‍ട്ടി നേതാവ് അഖിലേഷ് യാദവിന്റെ പ്രസ്താവനയ്ക്കെതിരെ പ്രതികരിക്കുകയായിരുന്നു മായാവതി.
‘സംസ്ഥാനത്തെ വലിയ പാര്‍ട്ടികളെല്ലാം സമാജ്വാദി പാര്‍ട്ടിയോട് അകലം പാലിക്കാനാണ് ശ്രമിക്കുന്നത്. അതിന് കാരണം പാര്‍ട്ടിയുടെ പ്രവര്‍ത്തന രീതിയും ദളിത് വിരുദ്ധ ചിന്തകളുമാണ്. സമാജ്വാദി പാര്‍ട്ടി ഇപ്പോള്‍ നിസ്സഹായരാണ്. അതിനാലാണ് ചെറുപാര്‍ട്ടികളെ ഒപ്പം ചേര്‍ത്ത് മത്സരത്തെ നേരിടാന്‍ ഒരുങ്ങുന്നത്’ – മായാവതി ട്വീറ്റ് ചെയ്തു.
അതേസമയം, 2022-ലെ ഉത്തർ പ്രദേശ് തിരഞ്ഞെടുപ്പില്‍ ജനാധിപത്യവിപ്ലവം സംഭവിക്കുമെന്നാണ് അഖിലേഷ് യാദവ് പറയുന്നത്.
Post Your Comments