കൊല്‍ക്കത്ത: പശ്ചിമബംഗാളിലെ ബി.ജെ.പി എം.പി അര്‍ജുന്‍ സിങ്ങിന്‍റെ വീടിന് നേരെ ബോംബേറുണ്ടായെന്ന് ഗവര്‍ണര്‍ ജഗ്ദീപ് ധാന്‍കര്‍. ആശങ്കപ്പെടുത്തുന്ന സംഭവമാണ് ഉണ്ടായതെന്നും ഗവര്‍ണര്‍ പറഞ്ഞു. ട്വിറ്ററിലൂടെയായിരുന്നു പ്രതികരണം.
‘ബംഗാളിലെ പൊതുക്രമത്തെ തകര്‍ക്കുന്ന അക്രമത്തിന് അന്ത്യമാവുന്ന ലക്ഷണമില്ല. ബംഗാള്‍ എം.പി അര്‍ജുന്‍ സിങിന്‍റെ വീടിന് പുറത്തുണ്ടായ ബോംബേറ് ക്രമസമാധാനത്തെ കുറിച്ച്‌ ആശങ്കയുണ്ടാക്കുന്നതാണ്. ബംഗാള്‍ പൊലീസില്‍ നിന്നും ശക്തമായ നടപടി പ്രതീക്ഷിക്കുന്നു’- ഗവര്‍ണര്‍ വ്യക്തമാക്കി.
ചൊവ്വാഴ്ച രാത്രിയാണ് ബി.ജെ.പി എം.പിയുടെ വീടിന് മുന്നില്‍ പെട്രോള്‍ ബോംബെറിഞ്ഞ സംഭവമുണ്ടായത്. സംഭവം നടക്കുമ്പോള്‍ എം.പി വീട്ടിലുണ്ടായിരുന്നില്ല. എന്നാല്‍, കുടുംബാംഗങ്ങള്‍ വീട്ടിലുണ്ടായിരുന്നു.
Post Your Comments