ThrissurKeralaLatest NewsNews

കുപ്രസിദ്ധ ഗുണ്ടാത്തലവൻ പല്ലൻ ഷൈജുവിനെ നാടുകടത്തി

കേരളത്തിന് അകത്തും പുറത്തുമായി കൊലപാതകം, കൊലപാതക ശ്രമം, കവർച്ച, കുഴൽപ്പണം, കഞ്ചാവ് എന്നിങ്ങനെ നിരവധി കേസുകളിൽ പ്രതിയാണ് പല്ലൻ ഷൈജു

തൃശ്ശൂർ: മധ്യകേരളത്തിലെ കുപ്രസിദ്ധ ഗുണ്ടാത്തലവൻ പല്ലൻ ഷൈജുവിനെ നാടുകടത്തി. കാപ്പ നിയമം അനുസരിച്ചാണ് ഷൈജുവിനെ നാടുകടത്തിയത്. കേരളത്തിന് അകത്തും പുറത്തുമായി കൊലപാതകം, കൊലപാതക ശ്രമം, കവർച്ച, കുഴൽപ്പണം, കഞ്ചാവ് എന്നിങ്ങനെ നിരവധി കേസുകളിൽ പ്രതിയാണ് പല്ലൻ ഷൈജു.

Also read: തേക്കടിയുടെ ടൂറിസം സാധ്യതകള്‍ പരമാവധി പ്രയോജനപ്പെടുത്തും, വികസനത്തിന് പ്രവര്‍ത്തന രൂപരേഖ തയ്യാറാക്കും: മുഹമ്മദ്‌ റിയാസ്

കൊടകര, പുതുക്കാട്, തൃശ്ശൂർ ഈസ്റ്റ്, നെടുപുഴ, എറണാകുളം ചെങ്ങമനാട്, വയനാട് സുൽത്താൻ ബത്തേരി, തിരുനെല്ലി എന്നീ കേരളത്തിലെ പൊലീസ് സ്റ്റേഷനുകളിലും, കേരളത്തിന് പുറത്ത് ഗുണ്ടൽപ്പേട്ട് സ്റ്റേഷനിലും, ഇരിങ്ങാലക്കുട എക്സൈസ് റേഞ്ച് ഓഫിസിൽ കഞ്ചാവ് കേസുകളിലും ഷൈജു പ്രതിചേർക്കപ്പെട്ടിട്ടുണ്ട്.

തൃശ്ശൂർ കേന്ദ്രീകരിച്ച് പഴയ ക്വട്ടേഷൻ സംഘം നേതാവായിരുന്നു പല്ലൻ ഷൈജു. പിന്നീട് കുഴൽപ്പണം തട്ടുന്ന സംഘത്തിലെ നേതാവായ ഷൈജു വർഷങ്ങൾക്ക് മുൻപാണ് തൃശ്ശൂരിൽ നിന്നും കൊടകര പന്തല്ലൂരിലേക്ക് താമസം മാറിയത്.

shortlink

Related Articles

Post Your Comments


Back to top button